عاجلفن

بوسى سمير : بقابل مواهب كتيرة لكن مبتفكرش

نشرت الفنانه بوسي سمير عبر حسابها الشخصي على موقع التواصل الاجتماعي فيسبوك صورة شاركت بها متابعيها وجمهورها وكتبت
اللى يقول معنديش علافات
و اللى يقول معنديش قبول عند المخرجين
و اللى يقول انها حظوظ و ارزاق
و اصلا الحل و مربط الفرس فى كلمة واحدة فكر
هافنطهالك و هاقنعك
عشان بس تبقى ماشى مرضى
أولا انت بتقول أنها علاقات
طيب سؤال و طول بالك معايا
هل رانيا فريد شوقى محتاجة علاقات !!
هل أحمد فلوكس محتاج علاقات !!
هل تامر عبد المنعم ناقصه علاقات !!
هل تامر هجرس معندوش علاقات !!
طيب الناس دى فين !! و غيرهم كتير
كام من مشهور اختفى و كام من جديد ظهر
هى مش علاقات قد ما هى موهبة ..
موهبتك هى واسطتك .. بس فكر ازاى تظهرها
الدنيا دلوقتى مفتوحة
تقدر تعمل فيديو و لو أنت حلو هاتتشاف و تتجاب
ثانيا انت بتقول معنديش قبول عند المخرجين
طبعا القبول من عند ربنا .. لكن فكر ازاى تكون ذكى
لو شكلك مفيهوش قبول غيروا .. اه إعمل كده
أكرم حسنى اتشهر بأبو حفيظة
باروكة و منديل و بدلة تفصيل مع اداؤه
و ربنا كرمه و العجلة دارت
محمد سعد عمل كراكتر اللمبى و اشتغل بيه
ثالثا انت بتقول أنها حظوظ
يابنى الحظ مابيخدمش الناس اللى مش موهوبة
فاكر محمد عطية فجأة بطل سينما و فجأة اختفى
و كتير اوووى من اللى الحظ خدمهم و اختفوا
فكر تكون مختلف عن اللى موجود
لو انت معندكش ذكاء و موهبة التفكير اصلا
يبقى تجيب حد يفكرلك و ده مش عيب على فكرة
فيه اصوات مطربين جامدة جدا
لكن بيختاروا اغانى عادية
ف بالتالى هما محتاجين المنتج الفنان
اكبر الشركات و المؤسسات فى العالم
زى جوجل و بيبسى و أبل و شركات الاتصالات
بتجيب شخص تديله راتب ضخم
الشخص ده مابيعملش حاجة غير أنه يفكر
تقديم عروض إعلانية جذابة للفئة المستهدفة
و بالتالى زيادة ارباح الشركة
التفكير الصحيح موهبة
جدير بالذكر قدمت بوسي سمير مؤخرا مجموعه من الكليبات منها كليب ايه يا بني وكليب علي الفاضي وعلي المليان وكليب حط النقط على الحروف والزي تم تحديثه فيما بعد وغيرها
يزكر أن بوسي سمير لها نشاط مميز علي منصات التواصل الاجتماعي

مقالات ذات صلة

زر الذهاب إلى الأعلى
إغلاق
إغلاق